Шеберлік шыңдалудан басталады

Қазақстан әлемдік чемпионатқа 2014 жылдан бері қатысып келеді. Жобаның мақсаты – жұмысшы мамандықтарының мәртебесін арттыру және шеберлік дағдыларын дамыту. WorldSkills кәсіптік білімнің дамуына оң нәтижесін беріп келеді. Оның чемпионаттары екі жылда бір рет әр мемлекетте өтеді. Оған 22 жасқа дейінгі колледж және университет студенттері, білікті жас мамандар, сонымен қатар, танымал мамандар, кәсіпқойлар, өндірістік оқыту шеберлері мен тапсырмаларды орындауды бағалайтын сарапшы ретіндегі нұсқаушылар қатысады. Елімізде бұл жоба биыл да жүйелі жүзеге асуда.

Астана қаласында 14-17 қараша күндері «WorldSkills – 2024» чемпионатының республикалық кезеңі өтті. Бұл шараға еліміздің түкпір-түкпірінен 30 құзыреттілік бойынша 500-ден астам қатысушы өз бағын сынады. Қызылорда облысының намысын қорғауға біз де өз үлесімізді қостық деп айта аламыз, яғни Астана қаласына академик С.Жиенқұлов атындағы Байқоңыр жоғары колледжінен «Кескіндеме және сәндік жұмыстар» құзыреттілігі бойынша Рамазан Серікқалиев (жетекшісі Шолпан Дәуленбаева) барып, өз бағын сынап, шеберлігін көрсетті. Чемпионатқа көрермен ретінде тәжірибе жинақтап, көзбен көру үшін біздің колледжімізден арнайы пән оқытушысы Шарикүл Ералиева «Сән технологиясы» бойынша, арнайы пән оқытушысы Сақыпжамал Досмағанбетқызы «Кірпіш қалау» құзыреттілігі бойынша, арнайы пән оқытушысы Жасұлан Көбеков «Жеңіл автомобильдерді жөндеу және қызмет көрсету» құзыреттілігі және өз мамандықтары бойынша студенттерге жетекшілік етіп, чемпионаттың жұмыстарын көріп, көңілге түйіп тамашалап қайтты. Республикалық кезеңді көзбен көріп, танысуға келген студенттер де алдағы уақытта болатын облыстық чемпионатта көрген-білгендерін ойға тоқып, жарысқа дайын болып, қалыптасатыны анық.

Елорда төріндегі «WorldSkills – 2024» республикалық чемпионатын дағы бәріміз көптен асыға күткен сәт республикалық кезеңінің қорытындысы 18 қарашада шықты. Бұл қорытынды – көптеген қатысушының қаншама уақыт дайындалған еңбегінің, төккен терінің нә тижесі. Қызылорда облысының намысын қорғауға барған қатысушылардың арасынан 11 медальонмен І және ІІІ орын бұйырды.

Біз үміт күткен колледжіміздің МС-123 оқу тобының студенті Рамазан Серікқалиев (жетекшісі Шолпан Дәуленбаева) «Шеберлігі үшін» медальонымен марапатталды. Чемпионатта Рамазан бар ынта-ықыласымен шабыттана жұмыс жасап, ыждағаттылық пен ептілікті қажет ететін өзіне берілген туындыларды тыңғылықты әрі көркем етіп сала білді. Рамазанның алдыңғы төрттіктен көрінуінің өзі біз үшін үлкен жетістік болды. Бұл мінезі жайдары, ізденімпаз студентіміз Рамазан Дулатұлы мен жетекшісі Шолпан Әнуарқызы екеуінің күн-түн демей дайындалған еңбегінің нәтижесі деп толық айта аламыз.

Біз Рамазаннан үлкен үміт күттік және ол ниетіміз ақталды. «Кескіндеме және сәндік жұмыстар» құзыреттілігі бойынша өз шеберлігін шыңдаған студентіміздің алдағы уақытта тек биік белестерді бағындыратынына сенеміз.