«WorldSkills - 2023»

qarmaqshy-tany.kz «WorldSkills-2023» чемпионатының колледжішілік кезеңі Қармақшы аграрлы-техникалық колледжінде Қызылорда облысының білім басқармасы мен Қызылорда облыстық оқу орталығының (әдістемелік кабинет) жұмыс кестесіне сәйкес, «WorldSkills-2023» чемпионатының колледжішілік байқауының ашылу салтанаты өтті.

Байқаудың мақсаты оқу орнында жұмысшы кәсіптерді танымал етіп, мәртебесін көтеру болып табылады. Чемпионаттың колледжішілік іріктеу кезеңіне «Сән технологиясы», «Аспаз ісі», «Электромонтаж жұмыстары», «Жеңіл автомобильдерді жөндеу және қызмет көрсету» құзыреттіліктері бойынша 22 білім алушы сайысқа түседі.

Кәсіби шеберлік байқауын колледж директоры Сайдулла Бауыржан Сайдуллаұлы ашып, қатысушыларға сәттілік тіледі.

Колледжішілік іріктеу кезеңіне оқу орнының әлеуметтік серіктес мекемелерінен: «Әмбебап» ЖШС-і Ү.Бекмұрзаева, «Елес» мейрамханасының меңгерушісі Г.Омарова, «Шиелі жарығы» ЖШС-і Б.Мәденов, «Альбер» автотехникалық қызмет көрсету бекеті мекемесінен Б.Алментаевтар сарапшылық етуде.

Байқауға қатысушы барлық студенттерге сәттілік тілейміз.