qarmaqshy-tany.kz Ағымдағы жылдың 1-3 желтоқсан күндері аралығында Қармақшы ауданы, Жосалы кентінде жаңадан ашылған Дене шынықтыру - сауықтыру кешенінде 16 желтоқсан – Тәуелсіздік күніне орай 2010-2011, 2012-2013, 2014-2015 ж.т. жасөспірімдер арасында үстел теннисінен «Жалын» спорт клубының жүлдесіне арналған облыстық ашық біріншілік өз мәресіне жетті.

Спорттық шараның негізгі мақсаты: аудан көлемінде үстел теннис спортын дамыту, спорттың бұқаралығын арттыру, үстел теннисін аудан көлемінде дамыту, облысқа аудан құрама командасын іріктеу, спортшылардың қарым-қатынасын нығайту болып табылды.

Аудандық ашық біріншілікке Атырау облысы, Қызылорда қаласы, Сырдария ауданы, Жалағаш ауданы, Қармақшы ауданы, Байқоңыр қалаларынан 8 команда 120-ға жуық жасөспірім қатысты.

Жалпы командалық есепте

Байқоңыр қаласы – ІІІ орын;

Қармақшы ауданы - ІІ орын;

Қызылорда қаласы – І орынды иеленді.