qarmaqshy-tany.kz Жосалы кентіндегі спорт кешенінде үстел теннисінен жасөспірімдер арасындағы аудандық ашық біріншілік басталды.

Ашылу салтанатында сөз сөйлеген аудан әкімі Жандос Еркінбек аудан көлемінде бұқаралық спортты, оның ішінде үстел теннисін дамыту мақсатында өтетін ашық біріншілікке қатысушыларға сәттілік тіледі.

Жарысқа Атырау облысынан, Қызылорда облысының Қазалы, Қармақшы, Жалағаш аудандарынан, сонымен қатар Байқоңыр қаласынан командалық есепте 80-ге жуық спортшы қатысып, бақ сынайды.

Айта кету керек, үстел теннисінен өтетін аудандық ашық біріншілік ағымдағы жылдың 7-9 сәуір аралығында жалғасатын болады.