Бокстан Республикалық турнир өз мәресіне жетті
qarmaqshy-tany.kz Ағымдағы жылдың 22-26 қараша күндері Қармақшы ауданы, Жосалы кентінде орналасқан «Дене шынықтыру - сауықтыру кешенінде» Нысанбаев Ерлан Бақытжанұлын еске алуға арналған бокстан 2008-2009 жылы туылған жасөспірімдер арасында ІХ Республикалық турнир өз мәресіне жетті.
Республикалық турнирдің негізгі мақсаттары: Облыс көлемінде бокс дамыту, салауатты өмір салтын қалыптастыру, жасөспірімдер арасында олимпиадалық спорт түрін насихаттау, Ерлан Нысанбаевты еске алу, облыс құрама командасын іріктеу болып табылады.
Ауданымызда дәстүрлі түрде ІХ рет өткізіліп келе жатқан турнирге Тәжікстан, Қырғызстан, Өзбекстан Республикалары және Республика бойынша 16 команда, 200-ге жуық спортшы қатысып бақ сынасты.
Жерлестеріміз Республикалық турнирде топ жарып жеңімпаз атанды. Атап айтар болсақ 48 кг салмақ дәрежесінде жүлделі ІІІ орын Исаев Рауан, 66 кг салмақтың жеңімпазы Әбішов Фараби, 70 кг салмақтың жеңімпазы Мұратұлы Ердаулет, 70 кг салмақ дәрежесінде жүлделі ІІІ орын Ахметжанов Арслан, +80 кг салмақ дәрежесінде жүлделі ІІІ орын Қалмурзаев Жандәулет иеленді.
Жеңімпаз және жүлдегер спортшыларға облыстық мәдениет және спорт басқармасының І, ІІ, ІІІ дәрежелі диплом және демеушілердің медальдары мен кубоктер табысталды.
