Теннисшілер қоржынында 6 медаль
qarmaqshy-tany.kz Қызылорда қаласында үстел теннисінен облыстық мәдениет және спорт басқармасына қарасты №4 олимпиадалықрезервтік мамандандырылған балалар мен жасөспірімдер мектебінің жүлдесіне арналған облыстық ашық біріншілік өткен-ді.
Дүбірлі жарысқа Сыр бойы аймағының барлық өңірінен жас теннисшілер қатысты. Олардың қатарында аудан орталығындағы «Жалын» спорт клубының үстел теннисі бөлімшесінің спортшылары да бақтарын сынап, жарыс қорытындысымен Руслан Тайбағаров жаттықтыратын теннисшілеріміз 1 алтын, 1 күміс, 4 қола медаль жеңіп алды. Жалпы командалық есепте жерлестеріміз II орын иеленіп, жоғары көрсеткішке жетті.
Атап айтар болсақ, Назар Нұрислам І орынды, Еркеназ Мұхтар ІІ орынды жеңіп алса, Рақымжан Болат, Медина Бақытбекова, Нұрбек Назар мен Айшабибі Дарханқызы жүлделі ІІІ орынға көтерілді.
Жарыста өзінің үздік ойынымен көрермен көзайымы атанған Нұрбану Жарылқасын «Үздік ойыншы» номинациясына ие болды.
