Жерлестер жүлдесі
qarmaqshy-tany.kz Жуырда Алматы қаласында тірек-қимыл аппараты және көру органдары зақымдалған спортшылар арасында Қазақстан республикасының VI жазғы паралимпиадалық ойындары өтті.
Оған еліміздің барлық аймағынан спорт түрлері бойынша үздік деп танылған спортшылар қатысты. Оның ішінде, белгілі спорт майталманы Мұрат Кетебаев үкілеген біздің де жерлестеріміз Сыр бойы құрамасы сапында аймақ намысын қорғады. Атап айтар болсақ, үздіктер көшінен көрінген желаяғымыз Бағдат Елібаев 1500 метр қашықтыққа жүгіруде жеңімпаз атанса, 400 және 800 метр қашықтықтарда жүлделі ІІ орындардан көрінді.
Ал, екінші бір спортшымыз Әсел Қозбағарова ядро және диск лақтырудан жүлделі ІІ орынға көтерілді.
Н.Жанәділов
