Қармақшыда ардагер спортшы - ұстаз атынан турнир ұйымдастырылды

qarmaqshy-tany.kz Бүгін О.Шораяқұлы атындағы №30 мектепте Қазақстан Республикасының «Құрметті спорт қайраткері», Қазақстан педагогикалық ғылымдар академиясының мүшесі, ардагер ұстаз Атабаев Еркін Оразбекұлының жүлдесіне арналған ерлер арасында волейболдан аудандық турнир болып өтті.

Турнирдің ашылу салтанатын аудан әкімінің орынбасары Жұлдызхан Байназарұлы ашып, Еркін Оразбекұлының бар саналы ғұмырын шәкірт тәрбиелеумен қатар, ауданда спорт саласының дамуына қосқан еңбегін атап өтіп, спортшыларға сәттілік тіледі.

Аталған турнирге аудан орталығы мен елді мекендердегі мектеп мұғалімдері қатысып, өзара бақ сынасуда.