Бүгін Омар Шораяқұлы атындағы №30 орта мектепте білім қызметкерлері арасында волейболдан Қазақстанға еңбек сіңірген спорт қайраткері, ұлағатты ұстаз Еркін Атабаев атындағы жүлдені сарапқа салуға арналған жарыс өтті.

Жарыстың ашылу салтанатында «Нұр Отан» партиясы аудандық филиалы төрғасының бірінші орынбасары Дастан Буханов, аудандық ардагерлер кеңесінің төрағасы Қаршыға Есдәулетовтер жарысқа қатысушылар алдында құттықтау сөз сөйлеп, спортшыларға сәттілік тіледі.

Жарысқа 15 мектептің спортшылары қатысты. Олар 4 топқа бөлініп, әр топтан озып шыққан командалар финалық кездесулер өткізді.

Жарыс қорытындысымен жүлдегер командалар аудандық денешынықтыру және спорт бөлімі мен жарыс демеушілері тағайындаған сый-құрметке ие болды.