Жарыста жас спортшылар 8 салмақ бойынша бақ сынасты. Нәтижесінде No250 мектеп-лицейінің 4 сынып оқушысы Айдын Абайұлы 26 келі салмақ бойынша жеңімпаз атанды. Айдын жаттықтырушысы Арман Жалғасбекұлында екі жылдан бері жаттығып келеді. Ол сол аралықта республикалық және облыстық жарыстарда жеңімпаз атанған.

– Шәкіртім еңбекқор. Жаттығу барысында берілген тапсырманы аяғына дейін жеткізіп орындайды. Соның арқасында жарыста жүлделі орын алып жүр. Егер спорттан қол үзбесе ертең биіктен көрінетініне сеніміміз мол. Жалпы шәкірттерімнің барлығы намысқой, таланты бар балалар. Мәселен, сол жарыста Дәулет Сәдуақас 2-орын алса, Қайсар Берікбаев 3-орыннан көрінді. Нәтиже жаман емес. Болашақта ауданның намысын көтеретін палуандар шығады деп ойлаймын, – дейді жаттықтырушысы.