Тәуелсіздік тұғырым

qarmaqshy-tany.kz Қармақшы ауданы №105 мектеп-лицейінде Тәуелсіздік күні мерекесі аясында «Тәуелсіздік тұғырым» атты мектеп-лицей директорының кубогіне арналған мектепішілік волейболдан спорттық жарыс өтті.

Спорттық жарысты дене шынықтыру пәні мұғалімдерінің бірлестігі ұйымдастырып, 8-11 сыныптар арасынан 6 команда 50-ге жуық оқушы қатысып, үздік өнер көрсеткен оқушылар мен командалар марапатталды.

Жарыстың мақсаты- оқушылар арасында салауатты өмір салтын насихаттау, ұлттық құндылығымыз Тәуелсіздігімізді қастерлеуге тәрбиелеу болып табылады.

Жарыстың нәтижесінде 1-орынды 11 сынып оқушыларынан құралған команда, 2-орынды 9-сынып оқушыларынан құралған команда, 3-орынды 8 сынып оқушыларынан құралған командалар иеленді.

Жарысты марапаттау рәсіміне №105 мектеп-лицей директоры Г.Еркебаева қатысып, белсенділікпен қатысқан оқушылар мен командаларға дипломдар мен кубокты табыстады.