Мейіржан – дүниежүзілік ойындар жүлдегері
qarmaqshy-tany.kz Осы жылдың 23-29 қараша аралығында Португалияның Вила Реал де Санто Антонио қаласында параспортшылар арасында «IWAS-2022» тірек қимыл аппараты зақымдалған спортшылар арасында дүниежүзілік ойындар өтті. Жарысқа Қазақстаннан 27 спортшы 3 спорт түрінен қатысқан. Халықаралық жарыста ҚР құрама командасы сапында өнер көрсеткен облыстық мүгедектерге арналған спорт клубының бірнеше пара жеңілатлеті спорттың осы түрі бойынша жоғары нәтижеге қол жеткізді.
Оның ішінде жерлесіміз Мейіржан Мақшат 400 метр жүгіруден ІІ орын иелен се, Қазақстан Республикасы халықаралық дәрежедегі спорт шеберлері, қызылордалық найза лақтырушылар – Еламан Жоламан мен Қолғанат Бақберген жүлделі ІІ орынды иемденіп, ел мерейін тасытты.
Жерлестерімізді аталмыш байрақты жарысқа дайын- даған ҚР еңбек сіңірген жаттықтырушы Юрий Мощеев.
Нұрбай ӘБІЛАХАТҰЛЫ
