Пауэрлифтингтен біріншілік өтті

qarmaqshy-tany.kz Семей қаласында ерлер мен әйелдер, жасөспірім ұл-қыздар, ардагерлер арасында классикалық пауэрлифтингтен Қазақстан Республикасының кезекті біріншілігі өтті.

Аталмыш жарысқа өңір намысын қорғауда Байқоңыр қаласы бойынша 5 спортшы қатысты.

Тартысты да қызықты сәттерге толы жарыс нәтижесімен Айбек Құрамысов ІІ орын, Михаил Малютин ІІІ орын иегері атанса, қыздар арасында Анель Сейтмағамбетова жүлделі ІІІ орынға көтеріліп, Сыр бойы спортының абыройын асқақтатты.

Сонымен қатар, осы мезетте Шымкент қаласында каратэ-до-дан өткен ересектер арасындағы ел біріншілігінде жерлестеріміз Ғабиден Ұрынов жүлделі ІІ орынды, Злата Товышева ІІІ орынды жеңіп алып, абырой биігінен көрінді.