Әлем чемпионаты-2018: Қазақстан құрамасы алғашқы ойында Венгрияны ойсырата ұтты

Хоккейден Қазақстан құрамасы 2018 жылғы әлем чемпионатының бірінші дивизионындағы турнирдің А тобында айдын иелері Венгриямен кездесті.

Бұл туралы Sports.kz хабарлайды.

Қазақстан құрамасының құрамы: Карлссон – Семёнов-Даллмэн, Старченко-Кучин-Рымарев; Лакиза-Метальников, Михайлис-Гренц-Евдокимов; Полохов-Орехов, Акользин-Сағадеев-Маркелов; Ыбрайбеков-Петухов, Әсетов-Гурков-Волков.

Алғашқы минуттардан-ақ қос команда да шабуылға лап қойды. Айдын иелері де, қонақтар да барынша тезірек гол соғуға тырысты. Соған қарамастан бірінші кезеңде есеп ашылған жоқ. Таблодағы 0:0 есебі екінші кезеңде де өзгермеді. Тек 44-минутта Дмитрия Гренцтен пас алған Валерий Орехов алғашқы шайбаны соқты. Артынша Евгений Рымарев есепті ұлғайтса, мұнымен тоқтап қалмай Максим Семеновтің көмегімен екінші рет қақпаны тура көздеп, есепті 0:3-ке жеткізді.