» » Қазақстан құрамасы ширек финалға шықты

Қазақстан құрамасы ширек финалға шықты

Еліміздің спортшылары үшін жаңа жыл жарқын жеңіспен басталды. Жекелей спорт түріндегі саңлақтарымыздың жеңістерін айтпағанның өзінде командалық жарыста да спортшыларымыздың мерейі үстем болып жатыр. Соның нақты айғағы – Қазақстан құрамасының Дэвис кубогы бәсекесінің әлемдік тобында Швейцарияны жеңуі. Ақпан айының 2-4 күндері аралығында Астанадағы «Дәулет» ұлттық теннис орталығында өткен турнирдің 1/8 финалында отандас­тарымыз азулы Швейцария құрамасын 4:1 есебімен жеңіп, жарыстың келесі кезеңіне шықты. 
Қазақстан-Швейцария матч­ы­ның шымылдығын 21 жас­тағы Дмитрий Попко мен Ген­ри Лааксонен ашты. АТР жа­риялаған тізімге көз жү­гірт­сек, біздің Попко – 231-ші, ал Лааксонен 123-ші орынға жай­­ғасқан екен. Дегенмен рей­­тингтегі алшақтыққа қара­мастан, кездесу өте тартысты өтті. Толық үш сағатқа созылған бәсекенің алғашқы сетін же­ңіс­пен бастаған жерлесіміз, ке­лесі кезеңде де жеңіске жету үшін біраз тер төкті. Десе де, бұл сет те Попконың ен­ші­сіне жазылды. Бұл жерде швей­цариялық спортшының жан­кештілігін айта кеткен жөн. Ол қарсыласының ойластырған əдісін дер кезінде байқап, қарсы соққы жасап та үлгерді. Үшінші сетте Лааксонен жинақылық танытып, бұл сетті өз пайдасына шешті. Əйткенмен, Дмитрий Попко өзінен төрт жас үлкен әрі рейтингте жоғары орналасқан əріптесіне қарағанда жігерлі ойын көрсетіп, 6:2, 7:6, 3:6, 7:5 есебімен басым түсті. Сөйтіп Қа­зақстан құрамасына алғашқы жеңісті сыйлады.
Швейцария жанкүйерлерінің көңілін күпті еткен бірінші кез­десуден кейін, Қазақстан құ­ра­масының бірінші ракет­касы Михаил Кукушкин (АТР рейтингінде 73-орында) Швейцарияның ортан қол теннисшісі Адриан Бодмерге (485) қарсы шықты. Бірден айтайық, Кукушкин бұл кездесуде 4:1 есебімен жеңіске жетіп, бірінші күннің қорытындысы бойынша есепті 2:0-ге жеткізді. Алайда таблодағы көрсеткішке қарап, жеңіс біздің теннисшіге оңай келді деп айтуға болмайды. Адриан Бодмер алғашқы сетте жеңіске жеткенімен, қар­сыласына қарағанда тәжіри­бесі мол біздің теннисші 3:6, 6:3, 6:2, 6:3 есебімен басым түсті.
Жарыстың екінші күні жұп­тасып өнер көрсетуде Алек­сандр Недовесов пен Тимур Ха­­бибуллин дуэті Марк-Ан­дреа Хуслер мен Лука Марга­ролиге қарсы кортқа шық­­ты. Жанкүйерлердің қызу қол­дауына ие болған жер­лес­­­те­ріміз алғашқы екі сетте қар­сы­ластарынан 6:4, 6:4 нә­ти­­жесімен басым түсті. Же­ңіс уыс­тарынан сусып бара жат­­қанын білген Швейцария құрамасының теннисшілері тез есін жиып, келесі екі сетті өз пайдалары­на шешті. Төртінші сеттен кейін екі құраманың нә­тижелері теңесті. Соңғы сетте жеңіс екі құрамаға да ауадай қажет еді. Өйткені шешуші сетте Қа­зақстан құрамасы же­ңіске жетсе, мерзімінен бұ­рын 1/4 фи­нал­ға шығады, ал Швей­цария тен­нисшілері бұл матчты өз пайдаларына жазатын болса, оларда да ке­лесі кезеңге шы­ғу үшін үміт оты қайта пайда болар еді. Дегенмен ал­дарына жеңіске жету деген нақты мақсат қойған отан­дас­тарымыз бесінші сетте жи­нақы ойын өрнегін көрсетіп, қарсыластарынан жеңісті жұлып алды. Қорытынды есеп – 6:4, 6:4, 3:6, 6:7, 6:3. Сөйтіп Диас Досқараев жетекшілік ететін құрама жарыстың ал­да болатын екі кездесудің нəти­жесіне қарамастан, Дэвис ку­богының ширек финалдық кезеңіне жолдама алды.
Турнирдің соңғы күнінде екі матч ойналды. Бұл күні бі­рінші болып кортқа Роман Ха­санов шығып, Андреа Хус­лерадан 3:6, 1:6 есебімен же­ңіліп қалды. Ал Дмитрий Попко Адриан Бодмерді 7:6, 1:6, 10:6 нәтижесімен жеңді.
Енді құрама жігіттері сәуір айында жартылай финалға шығу үшін бақ сынайды.
Айта кетейік, Қазақстан құрамасы Дэвис кубогы аясында Швейцария құрамасымен осы­мен үшінші рет кездесті. Ең алғаш 2010 жылы Швей­царияны жеңгеннен кейін тарихта тұңғыш рет әлемдік топқа шық­­­қан еді. Ал 2014 жылы Женевада өткен тур­нирдің ширек фина­лында отан­дастарымыз 2:3 есебімен есе жіберген еді. Міне, енді екі құрама 1/8 финалда үшінші рет жолығып, бұл кездесу Қазақ­стан құрамасының жеңісімен аяқ­талды.
Диас ДОСҚАРАЕВ, Қа­зақстан құрамасының капитаны:
– Сөз жоқ, жақсы матч болды, жігіттер жарады. Әрине, ойында аздаған бұрылыстар болды. Швейцария құрамасы да өте тәжірибелі команда. Маргароли тек бір рет қана қа­те­лесті. Келесі кезеңде де бізді оңай қарсылас күтіп тұрған жоқ. Оның үстіне ширек финал ойыны сырт алаңда өтеді.
05 ақпан 2018 ж. 134 0

PDF нұсқалар мұрағаты

№77 (9732)

12 қазан 2018 ж.

№76 (9731)

09 қазан 2018 ж.

№74 (9729)

02 қазан 2018 ж.

Суреттер сөйлейдi

Аудан айшықтары
19 қазан 2018 ж. 101

Жаңалықтар мұрағаты

«    Қазан 2018    »
ДсСсСрБсЖмСбЖс
1234567
891011121314
15161718192021
22232425262728
293031