Боксшылар АҚШ-та жаттығады
Бокстан Қазақстан ұлттық құрамасының бірқатар боксшысы Олимпия ойындарына дейінгі дайындығын АҚШ-та пысықтамақ.
Қазақстан бокс федерациясының мәліметі бойынша, оқу-жаттығу жиынына аттанған боксшылардың ішінде команда капитаны Қамшыбек Қоңқабаев (+91 кг), Василий Левит (91 кг), Бекзат Нұрдәулетов (81 кг), Зәкір Сафиуллин (63 кг) және Айболды Дәуренұлы (81 кг) бар. Былғары қолғап шеберлеріміз мұхиттың арғы бетінде 30 қаңтарға дейін аға жаттықтырушы Марат Жақиевтің басшылығымен жаттығады. Сондай-ақ АҚШ-тың маңдайалды бапкерлерінен физикалық жаттығу бойынша тәлім алады деп жоспарланған.
