"Қайсар" "Таразбен" ұпай бөлісті
Футболдан ел чемпионатының 13-турында "Қайсар" "Таразбен" ұпай бөлісті. Қызылордалықтар ойынның алғашқы жартысында қақпасына 2 доп жіберіп, қарсыласты алға шығарып алды. Дегенмен көгілдір экранның арғы шетіндегі жанкүйер үмітін жоғалтпас үшін қасқырлар екінші таймда мінез көрсетіп, Бабаханов қорғаған қақпаға 2 гол соқты. Екеуінде шабуылшы Элгуджа Лобжанидзе салып, сүрмергендер тізіміне енді. Осылайша тартысты өткен кездесуде 4 бірдей голды тамашаладық. Енді Младеновтың жігіттері 22 қазанда қарағандылық "Шахтермен" шеберлік байқасады.
