«Қайсар» украиналық қорғаушыны қатарына қосты
«Қайсар» футбол клубы украиналық қорғаушы Ризван Аблитаровпен келісім-шартқа отырды, деп жазады 24.kz Prosports.kz-ке сілтеме жасап.
30 жастағы футболшы қызылордалық клубқа ауысқанға дейін екі жарым жыл бойы «Атырау» сапында доп тепті. 2019 жылғы маусымда Аблитаров Қазақстан Премьер лигасы аясында 30 ойынға қатысып, екі гол соқты.Сондай-ақ ол Қазақстан Кубогінде 4 гол соқты. Еске сала кетейік, қызылордалық «Қайсар» алғашқы ресми матчын 2020 жылы 29 ақпанда өткізеді. Қазақстан суперкубогі үшін ойында «қасқырлар» «Астанамен» кездеседі.
