Халықаралық Олимпиада комитетінің басшысы Томас Бах пен Жапония премьер-министрі Синдзо Абэ биыл Токио өтеді деп жоспарланған жазғы Олимпида ойындарын кейінге қалдыру туралы шешім келген. Бұл туралы KAZ.NUR.KZ порталы РИА Новостиге сілтеме жасап хабарлайды.

– ДДСҰ ұсынған ақпараттар мен қазіргі жағдайды ескере отырып, ХОК президенті мен Жапония премьер-министрі Токио Олимпиадасының уақытын ауыстыру туралы шешімге келді. Бірақ спортшылардың, Олимпиада ойындары мен халықаралық қауымдастықтың барлық қатысушыларының денсаулығын қорғау үшін ол 2021 жылдың жазынан кешіктірілмей өтуі тиіс, – делінген ХОК хабарламасында.
Сонымен қатар хабарламада Олимпиада алауы Жапонияда қала беретіні, атауы да "Токио-2020" ойындары болып сақталып қалатыны айтылған.

Айта кетейік, 2020 жазғы Олимпиада ойындары Токиода 24 шілде мен 9 тамыз аралығында өтуі тиіс болған.

Еске сала кетейік, коронавирус пандемиясына байланысты маусым-шілде айларына жоспарланған футбодан Еуропа чемпионаты да 2021 жылға шегерілген болатын.