Токио Олимпиадасы коронавирусқа байланысты жыл соңына шегерілуі мүмкін
Коронавирусқа байланысты өту-өтпеу мәселесі қарастырылып жатқан жазғы Олимпиада ойындары 2020 жылдың соңына шегерілуі мүмкін, - деп хабарлайды Reuters.
"Келісімшарт бойынша Олимпиада ойындары 2020 жылы өтуі керек. Демек Жазғы ойындарды шегерілу деп те түсінуге болады", - дейді Токиодағы Олимпиада және Паралимпиада ойындарының ісі бойынша министр Сэйко Хасимото.Бүгінде Жапонияда коронавирус жұқтырғандар саны 900-ге жетті. Мұның алдында Токиодағы Олимпиада ойындары көрерменсіз өтуі мүмкін екені айтылған. Балама ретінде Ойындарды телевизиялық режимде трансляциялау қарастырылған.
Жоспарланған уақыт бойынша Олимпиада ойындары 24 шілде мен 9 тамыз аралығында өтуі керек.
