«Хабар» арнасы қысқы Олимпиада ойындарын тікелей эфирде көрсетеді
«Хабар» агенттігінің тілшілері Оңтүстік Кореяға келіп жетті. Пхёнчхандағы Олимпиада ойындары кезінде екі бірдей түсірілім тобы жұмыс істемек. Олар 5-26 ақпан аралығында тікелей эфирлер жүргізіп, спортшыларымыздың жетістіктерін жайлы баяндамақ. Айта кетейік, «Хабар» арнасы – қысқы Олимпиада ойындарының трансляциясын көрсетуге құқығы бар отандық арналардың бірі.
Ал айтулы шара 9 ақпанда басталады. Оған әлемнің 90 елінің спортшылары қатысады. Күллі әлем көз тіккен додада спорттың 15 түрінен 102 медаль сарапқа салынады.
