Марафон
Облысымыздың орталығында тұратын Әбдуали Убайдуллаұлы деген азамат бар. Ұзақ жылдар қалалық ішкі істер бөлімінде қызмет істеп, майор шенімен зейнеткерлік демалысқа шыққан. Дүр Оңғар ауылының тумасы.
Өрімдей бозбала кезінде спортқа үйірсектеп, сонау Ресейдің Омск қаласында өткен марафоншылар додасында жүлдегерлер қатарынан көрінгенін бірі білсе, бірі біле бермейді.
Қырықтың қырқасынан асқан азамат өз қаржысымен жуырда мектеп оқушылары арасында желаяқтар жарысын өткізіп, жүлдеге ілінген ізбасарларын кубок , медаль, мақтау қағазымен марапаттап, ауыл ақсақалдарының алғысына бөленді. "Жақсының жақсылығын айт , нұры тасысын " демекші, Әбдуәли інімнің өнегелі ісіне осы өлеңім қарымтам болсын.
Марафон
Қалғандай самарқаулық қай атаңнан,Жанкүйер жігерленер спорт десе
Алдына ішкен асын қоя салған.
Өлкеңді өркендетпек кім түлетіп?
Қаладан келген інім – Әбдуәли
Өткізген ғажап дода дүркіретіп.
Желаяқ Қыр жақта жоқ, Сыр жақта бар.
Жиылған қызықтауға жұртың мынау
Жарысын марафонның жырғап қалар.
Көңілге кестелеткен жыр өрнегін.
Жүйрік боп шығады деп ойласамшы
Жұмсасаң жүгірмейтін жүгермегің.
Ал құйғыт, ауылымның ұл-қыздары.
Үкілеп қосқан өңкей қарасирақ –
Бәрі де бір-бір үйдің жұлдыздары.
Шын дүлдүл топты жара бастайды анық.
Апырмай, шаңды жұтқан шақырымдар
Астында майтабанның жатты айналып.
– Жылдам!
Шығады үндер шырылдасқан,
Мәреге лап қойды олар бұрылмастан.
Осылар – Әбдуәли ағасының
Жолына түсіп алып ізін басқан.
....Жыраққа туған жерден көшсең ... мейлің,
Інім - ау, ісі үлгілі тек Сендейдің.
Осындай саламатты өмір барда
Бастамаң – күзді көктем еткен деймін.
Достық ТІЛЕУБЕРГЕНОВ,
Қазақстан Жазушылар одағының мүшесі
Қазақстан Жазушылар одағының мүшесі
