Вахид Ахмадұлы Губановты еске алуға арналған жасөспірімдер арасында дзюдо турнирі өтті

Бүгін Жосалы кенті орталығындағы дене шынықтыру және спорт кешенінде шешен – ингуш өкілі Вахид Ахмадович Губановты еске алуға арналған жасөспірімдер арасында дзюдодан турнир өтті.

Вахид Ахмадович Губанов 1932 жылы дүниеге келген. 1944 жылы Қазақстанға жер аударылып, 14 жасынан бастап Жосалы механикалық зауытында токарь көмекшісі болып жұмыс істеген.

1954 жылы өндіріс көшбасшысы, тәжірибелі маман, мықты шебер болып тағайындалды. Губановтың суреттері «Құрмет тақтасында» орын алды және жоғары деңгейдегі жүлделерді жеңіп алды.

Сол кезеңдерде Жосалы механикалық зауыты шығаратын жабдықтар Чехословакия, Польша, Шығыс Германия, Лаос, Моңғолия, Эфиопия, Сирия, Тунис елдеріне экспортталды. Жанқиярлық еңбек пен өндірістегі еңбегі үшін Губанов Вахид 2000 жылы «Адам ғасыры» атағына ие болды.

Бүгінгі өткізілген жасөспірімдер арасындағы дзюдо турниріне ұрпақтары мен замандас әріптестері жоғары деңгейде ұйымдастырылуына атсалысты.

Турнир қорытындысымен 1-орынға 100 мың теңге, 2-орынға 70 мың теңге, 3-орынға 30 мың теңге қаржылай қолдау көрсетілді.

Сонымен бірге турнир жеңімпаздарына жүлделі кубок, сертификаттар мен арнайы дипломдар табысталды.