Бүгін Мемлекет басшысы Қасым-Жомарт Тоқаев Қазақстан халқына үндеуін жариялады. Бұл үндеуде Конституцияға енгізілетін өзгерістер жайы айтылды. Жалпы Президентіміз елге билік еткелі елімізде халыққа неғұрлым жақындауға, халықпен бірлесіп жұмыс істеуге, демократиялық процестерді оңтайландыру және жеделдетуге барлық күш-жігерін салып келе жатыр. Халық мемлекеттік басқаруға кеңінен араласқысы келеді. Ол түсінікті жағдай. Сонымен қатар халық демократияны таңдайды. Мемлекет басшысы Жаңа Қазақстанды елмен бірге құру, екінші – Республиканы қалыптастыру қажет екенін әрдайым айтып жүр.

Сондай-ақ, Президентіміз Қасым-Жомарт Кемелұлы бүгінгі үндеуінде Ата заңымызға өзгерістерді енгізу үшін референдум өткізу жөнінде шешім қабылдады. Бұл дегеніміз – президентіміздің халықпен ойласудағы тікелей қадамы. Депутаттық корпуста бұл қадамды қолдайды. Халық та өз кезегінде өз ойын, пікірін еркін жеткізу үшін референдумға толық қатысу керек. Сондықтан аудан халқын осы референдумға белсенді әрі толық қатысуға шақырамыз.