» » АҚШ-та Алихан Байменовтың қатысуымен Астана хабының сессиясы өтті

АҚШ-та Алихан Байменовтың қатысуымен Астана хабының сессиясы өтті

АҚШ-та Алихан Байменовтың қатысуымен Астана хабының сессиясы өтті
Таяуда АҚШ-тың Денвер қаласында өткен Америка мемлекеттік басқару қоғамының (ASPA) 79-конференциясына ағымдық үрдістер туралы білім мен тәжірибе алмасу үшін және теория мен практиканы ұштастыру үшін 1300-ге жуық практиктер, ғалымдар мен студенттер жиналды.
Конференция аясында «ХХІ ғасырдағы мемлекеттік қызметті жетілдірудегі сын-тегеуріндер, мәселелер мен құралдар» тақырыбында Астана хабының сессиясы өтті. Сессияны Астана хабы Басқару комитетінің төрағасы Алихан Байменов пен ASPA атқарушы директоры Уильям Шилдс ашты. Бұл отырыста Қазақстан, Грузия, Молдова мемлекеттік органдарының өкілдері, сондай-ақ АҚШ, Ұлыбритания, Сингапур және басқа елдердің сарапшылары мемлекеттік қызметті жетілдіру мәселелерін талқылады.
Сонымен қатар Алихан Байменов «Мемлекеттік қызметтің жандануы: демократиялық басқару мен тұрақты даму мақсатында мемлекеттік қызметті қайта құру» атты сессияда және «Мемлекеттік басқару саласындағы кәсіби қауымдастықтар мен Тұрақты даму мақсаттары» тақарыбында өткен Халықаралық Ассамблеяда баяндама жасады. Өз сөзінде ол «мемлекеттік басқару моделі қалай аталмасын, қай парадигманың идеясы басым болмасын, ең бастысы, ол азаматтардың игілігі үшін жұмыс істеуі тиіс», – деді.
ASPA мүшелері мен конференцияға қатысушылар Хабтың аймақтағы және одан тыс тиімді мемлекеттік қызмет жүйелерін дамытуға қосып келе жатқан жоғары үлесін атап өтті. «Мемлекеттік қызмет саласындағы Астана хабы мемлекеттік секторды жетілдіруге және сол арқылы 16 және 17 тұрақты даму мақсаттарының орындалуына белсене және табысты атсалысып келеді», – деді ASPA атқарушы директоры Уильям Шилдс.
Америка мемлекеттік басқару қоғамы (ASPA) – американдық мемлекеттік басқару саласындағы ең ірі және кеңінен танымал кәсіби қауымдастық. 8000-ға жуық практиктер, зерттеушілер мен студенттер қоғамға мүше болып табылады. ASPA мемлекеттік басқару саласындағы теория мен практиканы ұштастыратын платформа ретінде қызмет етеді.
29 наурыз 2018 ж. 1 125 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031