Үкімет мүшелерінің жұмысына баға берілді
Кеше ел Президенті Нұрсұлтан Назарбаевтың төрағалығымен Үкіметтің кеңейтілген отырысы өтті. Отырыс барысында еліміздің 2017 жылғы әлеуметтік-экономикалық даму қорытындылары шығарылып, экономикалық өсімді қамтамасыз ету жөніндегі шаралар айқындалып, алдағы жылдың жоспары талқыланады.
– 2017 жыл дүниежүзі экономикасында оңай жыл болған жоқ. Үкіметтің жұмысы арқасында біз дұрыс нәтижелерге қол жеткіздік. Экономика өсімі 4%, ал инфляция 7% - біз үшін бұл жаңа деңгей. Сондықтан мен барлық Үкімет мүшелерінің жұмысына оң баға беремін. Алайда, біз жаңа белестерді бағындыруымыз керек, өйткені мемлекеттік бағдарламаларды орындауда кемшін тұстар бар», – деді Мемлекет басшысы.
Кеңейтілген отырыс барысында Премьер-министр, министрлік пен ведомство басшылары, облыс әкімдері баяндама жасады.
