Аудан әкімі айт мерекесімен құттықтады

Құрметті қармақшылықтар!Сіздерді барша мұсылман қауымының ұлық мерекесі – Құрбан айтпен шын жүректен құттықтаймын.
Сонау тарих тереңінен ата-бабаларымыз жол қылып, бізге мирас болып келе жатқан бұл мерекеде мұсылман қауымы тек мал шалумен шектелмей, өзінің ой-ниетін түзеп, қоғамға, адам баласына құрметпен қарау, мүмкіндігі шектеулі жандарға қамқор қолын созу сияқты игі істер жасауды парыз тұтқан. Бұл күнді ерекше қастерлі күн санап, қуанышты күнде бір-біріне ілтипат көрсетіп, жарқын жүзбен қауышқан.
Бүгінде ел Тәуелсіздігіне ширек ғасырдан асқан айтулы кезеңде барлық ұлтты, барша дін иелерін кемсітпей тең ұстайтын көп конфессиялы мемлекетіміздің бір бөлшегі Қармақшы ауданы халқы да жаңа азаматтық қоғамды қалыптастыруда аянбай еңбек етуде. 
Мерейлі мерекеде барша аудан тұрғындарының шаңырағына шаттық, амандық, бақ-береке тілеймін!