«Қауіпсіз тағам таңда!»
Қармақшы ауданы Жосалы кентінде орналасқан азық-түлік дүкенінде «Қауіпсіз тағам таңда!» тақырыбында акция өткізілді. Халық арасында дұрыс тамақтануды, қауіпсіз өнімдерді таңдау әдістерін насихаттау мақсатында ұйымдастырылған аталмыш акция барысында тағам өнімдеріне сараптама жүргізу үшін бактериологиялық зертханаға 10 тағам үлгісі - 3 түрлі тоқаш, 2 түрлі бәліш, самса, холодец өнімдері алынып, тексерілді, химиялық зертханада 3 түрлі өнім-қияр, қызанақ, жүзім тексерілді, сәйкессіздіктер анықталған жоқ. Сонымен қатар іс-шарада фортификацияланған ұнды тұтынудың пайдасы, ұнды сатып аларда сапалық құжаттарда ерекше назар аударатын белгілер туралы, ұн сақтау ережелері, сақтау мерзімдері мен шарттары түсіндірілді.
