Қармақшы ауылдық модельдік кітапханасының кітапханашысы Бадырақ Гүлнар аудандық кітапхананың «COWORKING» орталықталығынада «Рухани жаңғыру» тұғырнамасы және «2019 -Жастар жылына» орай «Жас ақындар-руханияттың діңгегі » атты әдеби-сазды кеш өткізді. Мақсаты рухани құндылықтарға сүйене отырып, кент тұрғындарының халықтың салт-дәстүріне, тарих, мәдениетіне, әдебиетіне қызығушылық пен құрметін ояту және дамыту. Жас ақындардың жырларымен таныстыру. Әдеби- сазды кешке руханияттың жыр бесігін тербеткен поэзия жанрында қалам тербеп жүрген «Жас қауырсын » клубының мүшелері қатынасты. Жас ақындар үш бөлім бойынша өнер көрсетті. Олар: «Өзім туралы», «Жаныма жақын жырларым», «Менің хоббиім». Жастар – ұлт болашағы болғандықтан, қай заманда болса да қоғамның басты тұлғасы. Жастар кез-келген әлеуметтік қатынастарда, рухани игіліктерде маңызды орын алады. Жастар-қашанда қоғамның генераторы, жаңа идеялардың бастамашысы. Мамандығымызға сай қоғамды ағартуға, күш салуымыз керек деп ойлаймын. «Рухани жаңғыру» бағдарламасы осының жүзеге асуына бір керемет тетік болды деп есептеймін. Кітапхана - білімпаздар мекені. Жастар кітапханаға жиі келіңіздер, бірге ізденіп, бірге еңбек етейік. Кітапты қадірлейік, сақтайық, жан серігімізге айналдырайық.