Көмекбаев ауылдық кітапханасының ұйымдастыруымен аудандық кітапхананың «COWORKING» орталығында «Өмір-тарих» атты С.Қосбаев шығармашылығына арналған сұхбат кеші болып өтті. Қосбаев Сақтапберген Төлегенұлы қаламгер, тарихшы, мәдени мұра жанашыры, зерттеуші, ұста, өнерпаз, сценарист, ұстаз, ауданның үздік ғылыми жетекшісі, «Білім беру ісінің майталманы» медалінің иегері, «Шығармашыл ұстаз» төсбелгісінің иегері, ақын. Өмірде Сақтапберген ағайдың аралас-құралас таныстары өте көп, соның ішінде белгілі археологтар, ақындар, ұстаздар да аз емес, ағайға іні болып жүрген азаматтардың бірі Қорқыт Ата мемлекеттік университетінің тарих ғылымының кандидаты Тәжекеев Әзілханның тілегі қатынасушылардың назарына видео арқылы ұсынылды.