ИНКЛЮЗИВТІ БІЛІМ БЕРУ- ЗАМАН ТАЛАБЫ

Бүгін  Қармақшы аудандық психологиялық-педагогикалық түзету кабитнетінде түзету мекемесінің меңгерушісі Л.Мусаеваның жетекшілігімен және кабинет мамандарының ұйымдастыруымен «Инклюзивті білім беру- заман талабы» тақырыбында балабақша әдіскерлері мен психологтарына арналған аудандық семинар болып өтті.
Мақсаты – жаңа заман талабына сай оқыту әдісін өзгертудің ақиқаттығын түсіндіру. Инклюзивті оқытудың ерекшелігін әріптестерге ұғындыру.
Жаңа оқыту әдістемесі бойынша мүмкіндігі шектеулі балаларды бірге оқыту қажеттілігін мұғалімдердің есіне сала отырып, әрбір оқушы бойында бір-біріне деген құрмет, достық, сыйластық секілді адами құндылықтарды қалыптастыра білу мұғалімнің міндеті екендігіне көзін жеткізу.
 бағдарламасы педагог-психолог РауаБұйрабаеваның «Есім және қимыл » атты танысу тренингімен басталып, жас маман БалнұрШорманованың «Инклюзивті білім беру- заман талабы» тақырыбындағы баяндама слайды және «Балабақшадағы инклюзивті білім беру ерекшеліктері» атты бейнеролигі көрсетілді. Әр бағдарлама аясында семинарға қатысушылырға тапсырмалар беріліп,топпен бірлесе жұмыс жасап, өз белсенділіктерін көрсетті.
Семинар барысында педагог – логопед маман Мереке Жүсіпова  «Ж дыбысын буында, сөзде және сөйлемде машықтандыру. Жабайы жануарлар» тақырыбындағы жеке сабағы, ЕДН маманы Райхан Мұхамбеталиқызының «Тірек-қимыл аппараты бұзылған балаларға арналған емдік дене жаттығулары» тақырыбындағы жеке сабақ үлгісі көрсетілді.
Семинар соңында педагог-дефектолог Гүлжаухар Нұрпейісова мен әлеуметтік педагог Гүлжан Досмырзақызы ақпаратты кеңінен насихаттау мақсатында семинарға қатысушыларға тақырып аясында дайындаған жадынаматаратып әр қатысушыға марапаттау сыйлығын тарту етті.