Қауіпсіздік шараларын сақтау

Оқушылар өмірінің қауіпсіздігі, кəмелетке толмағандар арасындағы құқықбұзушылықтың алдын алу мəселелері ұстаздар қауымының, оның ішінде сынып жетекшілердің күн тəртібінен түспейтін мəселелер. Сынып жетекшілерінің сан жұмыстарының ішіндегі маңыздысының бірегейі боп саналатын - оқушылар қауіпсіздігі, яғни əрбір тоқсан аяғында оқушылармен қауіпсіздік шараларын сақтау туралы əңгіме өткізіп, ата -аналарға баласы үшін жауапкершіліктерін еске салып, қолхаттар алып отырады. Міне қазір оқушыларымыз көктемгі демалыстарын өткізуде. Аман-есен төртінші тоқсанды бастайтын күндер де алыс емес. Ата-аналар тарапынан өз балаларының демалыс уақытындағы өмірі мен денсаулығы қауіпсіздігін: жол, өрт, су қауіптерінен, жыныстық тиіспеушілік, алдау-арбау құрбаны болу сынды əрекеттерден аман болуын қадағалауын сұраймыз.