Жүргізушіге хат
Жақында жолда жүру қауіпсіздігін қамтамасыз етудің басты шарты – көліктер мен жүргіншілердің жүріс-тұрысын дұрыс ұйымдастыру және реттеу және бала қауіпсіздігін сақтау мақсатында №275 орта мектепте 3 «Б» сынып жетекшісі Қаламқас Башенованың ұйымдастыруымен сынып оқушылары «Жүргізушіге хат» айдарымен әрбір оқушы қаладағы көлік жүргізушіге өз ойларын жазып, оны таратты.
Жүргізушілерге арналған хатта балалар:
«Қымбатты жүргізуші ағай! Сізден өтініп сұраймыз. Мектеп немесе балабақша жанынан өткенде жүрісіңізді баяулатып өтсеңіз. Өйткені, бұл жерден мектеп оқушылары көп жүреді. Оларды сүйікті әке-аналары, мейірімді ата-әжелері үйінде күтіп отырады. Көлікті абайлап жүргізсеңіз, барлығымызда аман боламыз» - деп өз ойларын білдірген.
Нұрбай ЖАНӘДІЛОВ.
