«Қазақстан – мейірімділік мекені» атты республикалық балалар бастамасының іс-шаралар жоспарының өңірлік іс шаралар жоспарына сәйкес Қармақшы аудандық білім бөлімі жұмыс жасауда. №199 орта мектебінде аз қамтамасыз етілген және көп балалы отбасы балаларына «Жүректен-жүрекке» қайырымдылық акциясы ұйымдастырылып, Жетпісбаев Қуанға қаржылай көмек көрсетілді. Балаларды мейірімділікке, достыққа, адамгершілікке, әдептілікке тәрбиелеу мақсатында «Мейірімді жүрек- жылы тілек» тақырыбында тренинг өткізілді. « Иманды, ибалы, үлкенге құрмет, кішіге ізет, бойында игі қасиеттері мол тұлғаны тәрбиелеу мақсатында «Қайырымдылық жасау –қарым-қатынас мәдениеті», «Қайырымдылық жасау –асыл қасиет» атты тәрбие сағаттары өтілді. №28 мектепте «Мейірімділік » тобы ауылдағы жалғыз басты қарт кісілердің үйлеріне барып Домицелее Вера Александровна мен Бекенова Рахимаға көмектер көрсетті.Ауылдың қарт аналары оқушы балалар мен мұғалімдерге ыстық ықыластарын білдіріп, рахметтерін айтты. Игі істер жалғасын таппақ.