Бірлесе жұмыс атқару қажеттілігі

Қармақшы аудандық соты аудан әкімдігімен бірлесіп іс-шара өткізді.

Қармақшы аудандық сотымен кент, ауылдық округ әкімдіктерімен бірлесіп аудан әкімдігінің мәжіліс залында, тарап ретінде сот істеріне қатысатын кент, ауыл тұрғындарының сот отырыстарына бейнеконференцбайланысымен онлайн режимде қатысу мүмкіндіктерін түсіндіру бойынша іс-шара өткізілді.

Іс-шараны аудандық соттың төрағасы Д.Кентбаев ашық деп жариялап, күн тәртібі бойынша қазіргі уақытта тарап ретінде сот істеріне қатысатын кент, қала тұрғындары облыс орталығына келмей-ақ аудан орталығында орналасқан соттар арқылы облыстық, қалалық сотта өтетін сот отырыстарына бейнеконференцбайланысымен онлайн режимде тұрғындардың қатыса алатын мүмкіндіктері бар екенін түсіндіріп кетті.

Сонымен қатар, бұл мүмкіндіктің шалғайдағы, сондай-ақ қала шетінде орналасқан елді мекен тұрғындарына да қол жетімді болуын қамтамасыз ету қажет екендігін басты назарда ұстау қажет екендігіне тоқталып өтті.

Іс-шара соңында қатысушылар өзара пікір алмасып, азаматтардың заңмен белгіленген құқықтары мен бостандықтарын қамтамсыз ету жолында бірлесе жұмыс атқару қажеттілігі айтылды.

Қайнар:

Қармақшы аудандық сотының баспасөз қызметі