Қармақшы аудандық сотының төрағасы Д.Кентбаев, аудан әкімінің  орынбасары М.Самитов «Сотсыз татуласу Орталығының жұмысын дәріптеу бойынша атқарылатын шаралар жоспарына» сәйкес 2018 жылдың 29 наурыз күні Қармақшы ауданының Ақтөбе, Дүр-Оңғар, ІІІ-Интернационал ауылдық округтерінде болып, ауыл тұрғындарымен кездесу өткізді.
Қазақстан Республикасы Жоғарғы Сотымен жүзеге асырылып жатқан «Сот төрелігінің жеті түйіні» жобасының бірі - Сотсыз татуласу орталығы жобасы болып табылады. Жобаның мақсаты - халық арасында дауды соттан тыс шешу, қоғамдағы қайшылықтарды, дауларды азайту институттарын насихаттау және дамыту алаңдарын құру.
Сот төрағасы Д.Кентбаев кездесуге қатысушы ауыл тұрғындарына  ҚР Жоғарғы Сотымен жүзеге асырылып отырған «Сотсыз татуласу Орталығы» пилоттық жобасының міндеттерін, оның тиімділігін, дауды сотқа дейінгі реттеудің басымдықтары жайлы әңгімеледі.
Ауыл тұрғындары  ҚР Жоғарғы Соты мен  Қызылорда облыстық сотының дауды соттан тыс шешу бағытында жүргізіліп жатқан  іс-шараларын құптайтындарын білдірді.