Раева Күлжауһарға
Шықсаң-дағы еңбектен демалысқа,
Ұзап бірақ кетпедің тым алысқа.
Қазақ тілі қоғамын қолға алдың,
Тілім үшін түсем деп сан «ұрысқа».
Көріктісің келесің бұзбай сынды,
Сөз еткенде айтамыз бізде шынды.
Өткен жолың өнеге көп жандарға,
Үлкен істе бағындыр алда шыңды.
Болған іске қай кезде көңіл сүзгі,
Ер жігіт деп бағалар кімдер бізді?!..
Сыпайылап сөз айттық білсең аз-кем,
Мерекемен құттықтап жеңгемізді.
Дастан Мырзабекұлы
