Жалпы әйел заты табиғатынан сұлулықты жақсы көреді емес пе?! Үнемі  ажарлы, көрікті болып жүргісі келеді. Әдемі болып жүру үшін біз сұлулық салонының көмегіне жүгінеміз. Қандай да болмасын жиын, той-томалаққа баратын болсақ қалтамызды қақсақ та өзімізден аямай салонға бас сұғамыз. Ортада сұлу болып жүргіміз келеді. Ғалия әпкеміз де бесаспап. Олай деуіміздің де өз себебі бар. Бет әрлеумен бірге түрлі шаш үлгісін де жасайды. Керек  десеңіз, қас бояп, кірпігіңізді де жалғап береді. Сондықтан оны өз ісінің шебері десек те болғандай. Қанша жылдан бері нәзікжандылардың әдемі болып жүруі үшін өз қызметін көрсетіп келеді. Өзін іздеп баратын, өз тұтынушыларын тауып үлгерген жандардың қатарында.