Қармақшы аудандық сотында азамат Ш.-ға қатысты Қазақстан Республикасы ӘҚБтК-нің 73-2-бабының 1-бөлігімен қозғалған әкімшілік құқық бұзушылық туралы іс қаралды.

Сотта азамат Ш.-ның өз үйінде отбасы-тұрмыстық қатынастағы жолдасы Ш.-ны ұрып тән ауруына ұшырататын күш қолдану әрекеттерін жасағаны анықталды.

Сотта істі қарау барысында азамат Ш., өз кінәсін мойындап, азаматша Ш.-дан кешірім сұрап, соттан жәбірленушімен медиация тәртібімен татуласуына байланысты, әкімшілік жауаптылықтан босатуды және іс жүргізуді тоқтатуды сұрады.

Аудандық соттың қаулысымен азамат Ш., Қазақстан Республикасы ӘҚБтК-нің 64-бабының негізінде жәбірленушімен татуласуына байланысты әкімшілік жауаптылықтан босатылып, әкімшілік ісі өндірістен медиация тәртібімен тоқтатылды.

Қаулы заңды күшіне енбеген.