«Нұр Отан» партиясының 20 жылдығына орай «Жасампаздық және әлеуметтік даму кезеңі» тақырыбында баяндама жасап, партияның ел экономикасының өсіп-өркендеуіне қосқан үлесі, сонымен қатар қазақстан­дық­тардың тұрмыс-тіршілігін ны­ғайту мақсатына арналған бағ­дарламалар бойынша іске асырылған жұмыстар туралы әңгіме өрбітті. Сондай-ақ, аудан экономикасын ілгерілетуге бағытталған жобаларды саралап, алдағы мақсаттарды баяндады.

Келесі кезекте мінберге көтерілген партия филиалының Саяси Кеңес мүшесі Аққозбек Байсынов Қазақстан Республикасы Президенті Нұрсұл­тан Назарбаевтың «Қазақстан­дық­тардың әл-ауқа­тының өсуі: табыс пен тұрмыс сапасын арттыру» атты өткен жылғы Жолдауында айқындалған басымдықтарды саралап, Жолдау аясында өңірімізде атқарылып жат­қан жұмыстарды зерделеді. Өңір тұрғындарының өмір сүру сапасын көтеруге бағытталған өрелі істерді, оның ішінде жуық күндері аудан орталығын газ­дандыру жұмысы бас­талатынын, тұрғындар арасында бұқаралық спортты дамытуға негіз­делген спорт алаңдарына жөндеу жұмысы жүргізілетінін және кент орталығындағы тозығы жеткен электр желілері жаңғыртылатынын жеткізді.

Содан соң сөз алған партия филиалы төра­ғасының бі­рін­ші орынбасары Дастан Бу­ханов еліміздегі көш­басшы партиясының 2030 жылға дейінгі бағдарламасы жобасының негізгі ере­­же­лерін талқылап, жоба аясында атқарылатын жұмыстарға кеңінен тоқталды. Сондай-ақ, партия филиалы бойынша ат­қарылып жатқан жұмыстармен таныстырды.

Ал, мінберге көтерліген партия белсенділері Бақытжан Нысанбаев пен Гүлзира Еркебаевалар өздері басшылық ететін мекемелерде медицина және білім салалары бойынша қол жеткізген жетістіктері жайын әңгімелеп, ұсыныс-пікірлерін жеткізді.

Конференция барысында «Нұр Отан» партиясы облыстық филиа­лының кезектен тыс конференциясына делегаттар сайланып, жасаған хабарламалар аясында қаулылар қабыл­данды.