Жол: Автокөлік жолдарын жөндеу жұмыстарына да үлкен мән берілуде. 2018 жылы «Батыс Еуропа – Батыс Қытай» автодәлізінен Дүр Оңғар, Иіркөл, Төребай би ауылдары мен Төретам кентінің және ІІІ Интернационал ауылының кірме жолдарына және «Самара-Шымкент-Ақжар-Көмекбаев» жолы­ның орташа жөндеу жұмысына республикалық, облыстық бюджеттерден 1 млрд. 171 млн. теңге бөлініп, жұмыс толық аяқталды.

– «Самара-Шымкент-Иіркөл» автомобиль жолына 5,1 шақырымына орташа жөндеу жұмысын жүргізу – 149 млн. теңге;

– «Самара-Шымкент-Жаңажол» автомобиль жолына 6,7 шақырымына орташа жөндеу жұмысын жүргізу – 199,8 млн. теңге;

– «Самара-Шымкент-Төретам» автомобиль жолына 2,2 шақырымына орташа жөндеу жұмысын жүргізу – 67 млн. теңге;

– «Самара-Шымкент-Төребай би» автомобиль жолына 23 шақырымына орташа жөндеу жұмысын жүргізу – 430,6 млн. теңге бөлініп, жұмыс толық аяқталды.

Сонымен қатар, «Самара-Шымкент-Ақжар-Көмекбаев» автомобиль жолының 4 шақырымына орташа жөндеу жұмыстарын жүргізу 2019 жылы 261,4 млн. теңге қаржы бөлініп жөндеу жұмыстары жалғасын табады. Аудандық маңыздағы «Қызылтам елді мекеніне кіре беріс» автомобиль жолына қайта жаңғырту жұмыстарын жүргізу үшін аудандық бюджеттен 7 млн. теңге қаржы бөлініп ЖСҚ әзірленді. Жобаны жүзеге асыруға қажетті 383,1 млн. теңге қаржыны республикалық бюджеттен бөлуге министрлікке бюджеттік өтінім тапсырылды.

Жолаушылар тасымалы бойынша: Көмекбаев, Қуаңдария, Алдашбай ахун, Тұрмағамбет, Ақжар, ІІІ Интернационал, Жаңажол елді мекендеріне арнайы автокөліктер арқылы тасымалданса, Ақтөбе, Иіркөл, Төребай би бойынша жеке такси қызметі арқылы тасымал орнатылған, ал Төретам кенті мен Ақай ауылы аудан орталығымен «Қызылорда-Төретам-Қызылорда», «Қызылорда-Байқоңыр-Қызылорда» бағытындағы автокөліктермен тасымалданады. Қармақшы және Қызылтам елді мекендері «Қызылорда-Қызылтам-Жосалы» бағыты бойынша жолаушы тасымалдайтын автокөліктер арқылы жүзеге асады.

Ауданда 3 автостанса, атап айтқанда Жосалы кентінде «Достық» автостансасы, Төретам кентінде жеке кәсіпкер «Ш.Махмутова» – автостансасы және «Тұлпар-Байқоңыр» ЖШС-нің автостансасы облыстық автовокзалдар, автостансалар және жолаушыларға қызмет көрсету пункттерінің тізіліміне енгізілген.