Қармақшыда жол жөндеу жұмыстары қарқынды жалғаспақ

Жол қатынасы елдің маңызды қажеттіліктерінің бірі. Биыл облыста жол сапасын көтеріп, жақсы және қанағаттанарлық деңгей дегі бөліктерін 63,5 пайызға жеткізу жоспарлануда. Бұл тұрғыда Қармақшы ауданы да қалыс қалып отырған жоқ.

Жоспарда алдыңғы қатарда тұрғандардың бірі – Самара – Шымкент – Төребай би аудандық маңызы бар жолының 23, 044 шақырымын орташа жөндеуден өткізу болып тұр. Мұнан соң дәл осындай жөндеу жұмыстары Иіркөл елді мекеніне жалғасады (5, 136 шақырым). Самара – Шымкент – Төретам аралық аудандық маңызы бар жол да назардан тыс қалмайды. 2, 235 шақырымы орташа жөндеуден өткізіледі деп күтілуде. Жаңажол ауылы да басты назарда. Елді мекенді Самара – Шымкент дәліз жолымен жалғайтын 6, 771 шақырымы орташа жөндеуден өткізілетін болады.