Жуырда Ш.Төлепова атындағы мәдениет үйінде №3 «Ертөстік» бөбек­жайының ұйымдастыруымен «Жаса, жайна – Қазақстаным» атты мерекелік кеш өтті.

Шараны Халықаралық «Қазақ тілі» қоғамы бірлестігі аудандық филиалының төрағасы Әбдірахман Құлдүйсенов ашып, лебізін білдірді.

Бүгінгі ұрпақ – болашақ Қазақстан азаматы. Ұрпағымыздың бойына ұлттық тәрбиені, имандылық қасиеттерді сіңірсек, халқымыздың салт-дәстүрін жақсы білетін, ата-анасын сыйлайтын, елі үшін еңбек ететін ұрпақ тәрбиелеген боламыз – деп батасын беріп, бүлдіршіндерге сәттілік тіледі.

Мың бұрала би билеп, ән айтып, биыл аудан диқандарының қол жеткізген жетістіктері жайлы көрініс қойған бүлдіршіндер көрермен қошеметіне бөленді.

Шара соңында балабақша меңгерушісі Айт­күл Әбжәлиева қорытынды сөз сөйлеп, кеш «Атамекен» әнімен шымылдығын жапты.