Су тасқыны салдарынан болатын шығындарды болдырмау
Өмір тәжірибесі көрсеткендей табиғи немесе техногендік төтенше жағдайдайлардың болуын алдын ала болжау мүмкін емес. Дегенмен, су тасқыны салдарынан болуы мүмкін апаттық жағдайдың алдын алу шаралары аудан көлемінде қарқынды жүргізілуде. Орын алуы мүмкін төтенше жағдай кезінде жұмыс жасайтын қызмет түрлерінің тиімділігін арттыру мақсатында оқу-жаттығу жиындары өткізіліп, олардың материалдық-техникалық мүмкіншіліктері үнемі саралануда.
Көпжылғы зерттеулердің нәтижесі Сырдарияның оңтүстік жағалауындағы Жаңажол, Иіркөл ауылдары, солтүстік жағалаудағы Қараөзек пен екі ортада орналасқан Қызылтам, Абыла елді-мекендері және аудан орталығы Жосалы кентінің су басу қауіпі жоғары екенін көрсетті.
Алдағы уақытта тұрғындардың денсаулығы мен мүліктік қауіпсіздігін қамтамасыз ету мақсатында аталған қауіпті аймақтарға қатаң бақылау орнатылып, тұрақты мониторинг жүргізілетін болады.
Апат айтып келмейтінін ескере отырып, жоғарыда аталған су басу қауіпі жоғары аймақтарда орналасқан шаруақожалықтарының басшыларына қауіпсіз аймақтарға көшу қажет екенін хабарлаймыз.
Қармақшы аудандық төтенше жағдайлардың
алдын алу және жою жөніндегі комиссиясы.
