ҰЛЫ ДАЛА ҰЛЫ ІСТЕРГЕ ЖЕТЕЛЕЙДІ

Түркі әлемінің алтын бесігі – қазақ елінің алған асулары алып таулармен астасып жатыр. Қасиетіңнен айналайын, туған елдің Еуразия жүрегінде орналасқан алып бейнесі әлем көгінде менмұндалайды. Елбасының «Ұлы даланың жеті қыры» мақаласы көпшілік жүрегінен орын алды. Ұлт руханиятын жаңғырту үстіндегі ұлы мақсаттардың бірі.

Қазақ қоғамындағы даму үдерісі сонау ықылым заманнан басталса, тарихымыздың түп тұқияны да содан бастау алады. Оқжетпестің шыңынан көрінген байрағымыз аспанға атқан малақайымыздың жақын арада төмен түспесін аңғартқандай. Алтай мен Атырау арасындағы қазақ даласының әрбір тау-тасы, ну орманы, жазығы бір-бір тарихты сыр ғып шертеді. Сарқырап аққан Сырдария, Еділ мен Жайық та сол тұңғиық сырды жасырып, үнсіз сылдырауда. Тарихтың тамырын тартып, болашақ ұрпаққа қазақтың қандай ұлт екенін, жеріміздің қалай қорғалғанын, онда қандай қазына барын жеткізе білуіміз керек. Елбасы ұрпақтан-ұрпаққа жалғасқан ұлт мүддесі жолындағы ұлы мұраттарды ұғына білуіміз керек екенін жеткізді.
Әсте, балабақша балғындарын жастайынан біз де ұлттық қадір-қасиет, бітім-болмыс, салт-дәстүр, әдет-ғұрыпқа баулып тәрбиелеудеміз. Бұл өз кезегінде келешекке салған инвестициямыздың уақыты келгенде өз жемісін беретінін аңғартады. Елбасы жариялаған бұл мақаланы әрбір балдырған ұғынып, ұлтжандылықпен өсетініне кәміл сенемін.

Мирмакүл ЕРМЕКБАЕВА,
№5 «Айгөлек» бөбекжайы-бақшасының тәрбиешісі.