Аспанға ауыз ашып отыруға болмас
Бүгінде Елбасы Н.Назарбаевтың бес бастамасын жер-жерде қызу талқыға салған жұртшылық заманауи қадамдарға балайды. Өйткені, қазір кәсіпкер болу – үлкен бір мүмкіндік алаңы тәрізді. Мал баққанға бітетіні тәрізді қолы қимылдағанның аузы қимылдайды.
– Мүмкіндік жоғары. Бұрын қандай еді, қазір қандай? Кәсіпкерлер Елбасы жариялаған мораторийдан бастап, бүгінгі тегін грант, төмен пайызды несиелерге дейін пайдалану керек. Бұл – елге беріліп отырған зор мүмкіндік. Аспанға ауыз ашып, «алма піс, аузыма түс» дейтін дәурен емес, – деді облыстық кәсіпкерлер палатасының Қармақшы ауданындағы филиалы директоры А.Шоқбаров.
