Нұртай Демеуұлы бұған дейін де бірқатар көрмеге қатысып, жүлдегер атанған. Ол колледжде 2011 жылдан бері студенттерге дәріс береді. «Балаларды өнертапқыштыққа баулу», – дейді ұстаз алға қойған мақсатын алға тартып.
– «Үй шаруашылығына арнал­ған әмбебап қоларба» жобасы бұ­рын еш жерде пайдаланбаған идея. Оны қолдану арқылы үй шаруа­шылығындағы жұмыстарды жеңіл­детіп, бір құралдың көмегімен бір­неше операция орындауға болады. Арба қаңқасына бекітілген қосалқы бөлшектер түрлі жұмыс атқарады. Расында да, қол арба несімен айрықша? Оның көмегімен қыста есік алдындағы қарды күресең, арба үстіне орнатылған ауыспалы жүксалғыш қызметімен көп фунцияға қол жеткізесің. Ал, қоларба астына бекітілген культиватор көктемгі дала жұмысында жерді қопсытуға, арам шөп отауға таптырмас құрал. Сондай-ақ, арба астына орнатылған соқаны көктемгі, күзгі жер жырту жұмысына қолдануға да болады. Арба – тоқ көзін қажет етпейді, – дейді өнертапқыш.
Білікті педагогтың еңбегі баға­ланып, бірқатар беделді марапатты иеленген. Н.Жайықбаев «Қазақстан пе­дагогтарының инновациялық идея­ларын дамыту орталығы» ұйым­дас­тырған «Қазақстандық білім беру: экономикалық өсімнің жаңа моделінің орталық буыны» тақырыбындағы рес­публикалық ғылыми-тәжірибелік конференциясында арнайы дипломмен марапатталса, «Бейбітшілік әлемі» халықаралық қазақ шығармашылық бірлестігінің, ұстаздар, студенттер мен оқушыларға арналған республикалық ustazdar.кz порталында белсенділік танытқаны үшін алғыс хат тапсырылды. Сонымен қатар, оқытушының жетекшлігімен дарынды шәкірті Әділет Арапбаев «Өзін-өзі анықтауға, реттеуге, іске асыруға қабілетті тұлға» атты жұмысы үшін І дәрежелі дипломмен мадақталса, «Кәсіптік-техникалық бі­лім беруді дамыту, ұштастыру – заман талабы», «Мәңгілік ел – тәуелсіз Қазақстанды сүйеміз» тақырыбындағы республикалық ғылыми-тәжірибелік конференциясында жасаған баяндамасы үздік деп танылып, жинаққа енді. Оның тағы бір жетістігі – Қармақшы ауданының 90 жылдық мерейтойына орай өткен инженер-педагогтардың «Бағдарлы байқау-көрмесі» атты сайысында «Үй шаруашылығына арналған әмбебап қоларба» жобасы жоғары бағаланып, облыстық байқауға жолдама алды.