Аурудың негізгі белгілеріне іштің ауыруы, құсу, іш өту, дене қызуының көтерілуі, әлсіздік, тәбеттің төмендеуі жатады. Бір айта кетерлігі, құсқанда және іш өткенде адам сұйықтықты жоғалтады, соның нәтижесінде ағзадағы су алмасу процесі бұзылып, жүректің, тамырлардың, бүйректің және басқа ағзалардың қызметінің бұзылуына әкеп соғады.
Жедел ішек инфекциясының белгілері байқалса,өздігіңізден емделмей, жедел медициналық көмекке жүгінгеніңіз абзал. Табиғатта белсенді, салауатты демалысты өткізген аса пайдалы. Сондай-ақ, азық-түлікті арнайы дүкендер мен базарлардан сатып алу, тез бұзылатын азық-түліктерді (сүт пен сүт өнімдерін, етті, кремді кондитерлік өнімдерді, дайын және араластырылған салатты) өзіңізбен бірге алып шықпаған абзал. Ірі еттерді, құстың етін, жұмыртқаны әбден қайнатып немесе қуырып алған жөн. Қолданар алдында көкөністерді, жеміс-жидектерді жақсылап жуған дұрыс. Ауыз суын немесе қайнатылған суды тұтыныңыз. Су қоймаларындағы суды пайдаланбаңыз. Қолыңызды жуыңыз немесе бактерияға қарсы әсері бар заларсыздандыратын дымқыл майлықты қолданыңыз.
Қазақ атам «сақтықта қорлық жоқ» деп бекер айтпаса керек. Өз денсаулығыңыз – өз қолыңызда.

ҚР ДСМ ҚДСК «ҰСО» ШЖҚ РМК Қызылорда облысы бойынша филиалының

Қармақшы аудандық бөлімшесінің Бактериологиялық зертхананың лаборанты.