Қызылорда облысы Жаңақорған ауданының 2 тұрғыны менингококк инфекциясы белгілерімен ауруханаға түсті. 18 және 26 жастағы жігіттер дереу жансақтау бөліміне жатқызылды. Кешенді зертханалық тексерулер жүргізген дәрігерлер менингококк диагнозын теріске шығарып отыр. Мамандардың айтуынша науқастар жедел респираторлы вирус жұқтырған. Жалпы ауа-тамшы жолымен тарайтын ауру түрлерінің белгілері бірдей болып келеді. Қазіргі таңда жаңақорғандық оқшау бөлмеден жалпы палатаға шығарылды. Нұржамал Тұрсынбай, облыстық денсаулық сақтау басқармасының баспасөз хатшысы: - Содан бері 1 тәулік уақыт өтті. Науқастардың жағдайы жақсы. Сол алғашқы диагноз жедел респираторлы вирус диагнозымен тұр. Қазіргі уақытта жағдайлары бірқалыпты.