ОРАЙЛЫ ТІРЛІК ОҢЫНАН БОЛСЫН
Аудан әкімдігінің мәжіліс залында облыстық мемлекеттік сатып алу басқармасы қызметкерлерінің қатысуымен «қала, аудан деңгейінде бірыңғай ұйымдастырушы бөлімдерін құру туралы және мемлекеттік сатып алудың мониторингі, мемлекеттік сатып алу конкурсының заңдылықтары» атты семинар өтті.
Бүгінгі таңда Қармақшы ауданы әкімдігінің 5 желтоқсан 2017 жылғы №613 санды қаулысымен «Қармақшы ауданының мемлекеттік активтер және сатып алу бөлімі» коммуналдық мемлекеттік мекемесі құрылған болатын.
Шара барысында аталмыш бөлімнің мемлекеттік әкімшілік қызметкерлерінің біліктілік талаптарын бекіту шаралары жүргізіліп, пысықталатыны атап көрсетілді. Біліктілік талаптары бекітілген бойда конкурс арқылы қызметкерлер жұмысқа қабылданады деп атап күтілуде. Сонымен қатар, алдағы уақытта бөлімге қажетті кеңсе тауарлары, жиһаздарына мемлекеттік сатып алу тәсілімен әлеуетті өнім берушілермен келісімшартқа отырып, жұмыстар жүргізілетіндігі мәлім болды.
Жиында облыстық мемлекеттік сатып алу басқармасының жұмыстарды мемлекеттік сатып алу бөлімінің бас маманы Бахыт Бисенбаев пен Асқар Сахиұлы, сондай-ақ, жергілікті атқарушы орган басшылары қатысушылар тарапынан қойылған сауалдарға жан-жақты жауап берді. Орайлы тірлікке тоқтам жоқ деген осы.
Айжан ТОҚШЫЛЫҚОВА
